كلنا فى الوطن اخوات

كلنا فى الوطن اخوان..........والمسلم والمسيحى هو انسان/
وعلاقته بربه علاقه تخصه هو واقل ما فيها البر والاحسان/
ونار الكراهية لو ولعت كلنا مع الوطن.... هنكون فى خسران/
فحط ايدك فى ايدى قول معايا بقوه يا وطن ليك الحب والعرفان/
واولادك مهما كانت افكارهم و معتقداتهم كلهم اخواتى وليا اقران/
وهاحافظ عليهم واحبهم زى ما حافظوا علياوحبونى طول الزمان/
واللى هيلغى حد ويهمشه ...هيجى اللى يلغيه بكل عنف وعنفوان/
وان جه واحد حاقد او مخرب او عميل او حتى متعاقد مع الشيطان/
مش هاديله فرصة ليمارس عمالته او غله ويقرصنا قرصة التعبان/

التزوير شرف فى منف القديمة

فى منف القديمة عضو بسيد قراره جاهر وادعى نجاحه بلا تزوير/
ففصلوه بعنف وحولوه كعب داير ليكون عبرة تتحكى فى المواويل/
فكيف يخالف ويتنازل عن هذا الشرف ويوزع القرف على المغاوير/
ويتنطط ويتفطفط على ابو سنجة الغفير ويتمنظر على سيد مشاوير/
الا يعرف الكل فى التزوير له ابداع متغطيين بشريعة الغاب الخطير/
ومهما كبرت يا ولدى امام البلطجة والعنطزة هتكون حتما صغير/
وان رجعنا لمنف الحديثة هتلاقى طرق خبيثة والكل فى حالة نفير/
واللى شفته فى حالة الاسترخاء والشهيق هتطفحة دم فى الزفير