الأربعاء، 30 يونيو 2010
الجمعة، 25 يونيو 2010
المواطن السابق وجلاده(اقصد بالسابق مهضوم الحق)
والغالبية مننا بتتعامل معاملة المواطن السابق ....دون بقية عباده/
وما ابعد المسافة بين ما كان مواطنا وبين غطرسة وهمجية جلاده/
فهو بلا ضهر او سند او حقوق والقهر والجبروت و الظلم زاده/
ولا يعرف يا عينى ايه سبب تجريده من المواطنه وامتى ميعاده/
فالاول على رجليه ماشى والتانى قطر غشيم معروف بعناده/
بضربة من جراره تحطم ضلوعه وتمسح للابد سيرته وامجاده/
وسواق القطر فى كابينته متسلطن ويختار كل يوم واحد من رواده/
ولا تكتمل ابهته الا بسفك الدم لاستكمال عظمته والتسلية فى سهاده/
ولا تعرف ازاى تسايره ولا كيف وامتى تهرب او حتى تطلب وداده/
فمن تربى على الدم والجماجم حياته غم وهم وهيورثها كمان لاولاده/
وأسألوا المماليك والترك والتتار والمغول على طول التاريخ وامتداده/
الثلاثاء، 22 يونيو 2010
المتخلف خسيس بطبعه وهيفضل لغاية ما تطلع منه الروح/
ومن غير ما يدرى ميت صبابه فى الاذى وزراعة الجروح/
ودايما يصرخ ومواقفة غلط وصوته عالى قوى ومبحوح/
وعايش فى دور الافضل بلا دليل ونهايتة عاى السطوح/
حقود وحقده عليه بيعود بالسوء ودايما باطح ومبطوح/
ومش حاسس بدونيته وعدم انسانيته واصابته بالقروح/
متباهى بجهله والعنف نادهله وهدام لاى معانى وصروح/
نهايته سوده وللعداوة دايما عامل عودة ................/
الأربعاء، 16 يونيو 2010
كل ما نرتكب مصيبة نردد بغباء او تغابى...............ايه اللى وصلنا لكده؟؟/
مع ان افعالنا مع بعضنا تؤدى الى ما لايقدر على فعله اشرس واخبث العدا/
واستبعادنا للتسامح والحسنى ورد الصاع صاعين وكأننا فى ساحة الردى/
والاعتزاز بالجهل والاوهام والنفخ فيهم فيرتد علينا كما يرتد الصدى/
وتخلقنا باخلاق الانتقام والشراسة والتهور بدل التوافق والرضا/
والعداوة بنا ازدهرت وعادت علينا بتوابعها بكل صورها المتجددة/
وصار مثلث التهور والاندفاع والغشومية خريطة الطريق بلا ترددا/
واستهلكنا طاقتنا فى شهوات حيوانية سدت كل الشرايين والاوردة/
فيحدث الانفجار ورا الانفجار والكل يغذيه بكل الوسائل المتعددة /
=========
ناجح يوسف فهمى
الاثنين، 14 يونيو 2010
قضايا العالم الحر تشبهه وقضايا العالم المر تشبهنا/
فالمظلوم عندنا يشرب كاس الظلم بالف شفا وهنا/
والظالم القادر يسقينا كاس الافترى طول السنه/
وان اشتكى اقلق ظالميه وتبتدى مسيرة العكننه/
تحرشات وضرب تحت الحزام بالاساليب المسننه/
وده ظالم وقادر يعنى لااخلاق ولا حتى خوف مننا/
طب ايه اللى هيردعه وهومستمتع بالمر اللى فى حلقنا/
وهو عمره ما داقه وعاصره بعصارته خصيصا لاهلنا/
واحنا مش مقدرين تعبه وتعب عصارته ولا اهتمامه بنا/
الأربعاء، 9 يونيو 2010
الحظوظ فى بلادنا معظمها زيها زى حظ الغنم مع الديب/
فحياتك مرهونة باى حماقة من اى حد قريب او غريب/
وممكن تفقدها فى ثانيه وبلا تمن على يد رواد التخريب/
وممتلكاتك وحقوقك وولادك نفس النهاية بلا اى ترتيب/
وان مت احمد ربنا لانك هترتاح من المعاناة والتعذ يب/
وان عشت اشكره لانك نجوت من ذئب بشرى مريـــــب/
والكل بيشتكى ويعانى حتى علية القوم وهذا امر غريب/
ومع ذلك الكل بيكل فى بعضه على مدار الساعة كتدريب/
الخميس، 3 يونيو 2010
الشتيمة تهين صاحبها
اذا شتم شتام فهذا يهينه هو ويحقره ولا يهين المشتوم/
والمشتوم ان لم يرد فهذا ترفع وسمو على وجه العموم/
وعلى كل شتام او متجنى ان يراجع نفسه ويصلى ويصوم/
فالشتيمة كالتجنى رذيلة ونقيصة وحقــد وزرع للسموم/
توغر الصدور زى شهادة الزور تولد البغضاء والخصوم/
فتزداد الاجواء عدوانية وتعطى الفرصة للشياطين تحوم/
فتتشعب فنون العداوة فى الاجواء السخنة الى فروع وعلوم