كل اللى يهنا يكون شكلنا صح وحلال

كل اللى يهمنا يكون شكلنا صح وحـــــــــلال
مجرد شكل بس لكنه فى الحقيقة اخر وبــــال
فرجل يتقلب مع النساء وكأنه فى خــــــــــيال
بمجرد ورقة يدفع تمنها نفوذ او عطايااو مال
مش مهم طالما قادر على المراوغة والاحتيال
وكله سلف ودين وهيخلص من البيت والعيال
وفضايح من كل الشرايح لم تخطر لنا على بال
وغسيل وسخ ينشر على الفضائيات تغكى الجبال
وبيع وشرا وهات وخد ومساومات ادبار واقبال
واحكام وسجون وقيود من حديد او حرير اوحبال

ولكن لو مشينا صح وحقيقة نبقى عال العـــــال
لنتجنب كل هذه لاخطار والماسى وكل هذا الوبال
=======================
ناجح يوسف فهمى

كارت معايدة

كارت معايدة
======================
كل عيد تعيش فى سلام وتعيــــد
وتعلو وتسمو وعلى نفسك تتسيد
ولا يتحكم فيك عبـــــــد ولا سيد
وعن الشرور تنأى بعيدا وتتحيد
وتجود بخيرك لغيرك وتكون جيد
وتصفو وتسامحو لا تكون كيد(بكسر الكاف)
وبالاخلاق والمثل والقيم تتــــقيد
وتقيم جسور الود والحب وتشيد=
=======================
ناجح يوسف فهمى

ما اقدرش يا حبيبى ادارى حبك تحت الصوبة

ما اقدرش يا حبيبى ادارى حبك تحت الصوبة
دا انا اصرخ واقول انت الحب والمحبوبة
واعلن ذلك على الملأ مية نوبة ونوبة
وفى حبك يا حبيبى مش ها اقول توبة
وكتمانه صعب بل فى غاية الصعوبة
وها اجاهر بحبك حتى لا اصاب بخيبة
طب ادارى ازاى حبك تحت الصوبة
وهأعلن حبك على كل الناس
لانى مليان حب ومشاعر حلة واحساس
واوعى تفتكرنى انى باهجس او مياس
دا انت حياتى وفى فكرى الاساس
من غيرك ما اعرف رجلى من الراس
وانت يا حبيبى لحياتى دستور
وحبك هو القدر المقدور
وبأشعر معاك بالفرح والسرور
وما باعرش لحبك حدود
لانك انت بتمنعنى الوجود
وحبك هو الامل المنشود
وما ينفعش ادارى حبك تحت الصوبة
===================
اجمل ايام حياتى هى ايام الخطوبة
عايشة الفرح وحاسة انى من حبيبى مطلوبة
وحبيبى حبى وانا المحبوبة
من بعد الوحدة اصبحت مخطوبة
والكل فرحان لى حبيبى واهله
وحبايبى فرحانين وفى عنيهم الفرحة
والكل يباركلى وان منشرحة
--------
وانا وحبيبى ما بنبطلش كلام
وعايشين فى مودة وسلام
واملنا تحقيق ما كان احلام
وما احلاكى يا فترة الخطوبة
فترة حلة من غير ما اكون مسئولة
وهى احلى فترة فترة الاحب الاولى
قبل ما نشغل بالولاد والبيت
وطول اليوم فسح وما باقعدش بالبيت
يا ريت تطول فترة الخطوبة يا ريت
==================
كيف الطريق الى حبيبتى ست الحسن
حلوة وجميلة وضاحكة السن
طول اليوم معاها ومع ذلك قلبى بيحن
كيف الطريق لحبيبى رمز الجمال
من بعد ماتعلقت بيها وقلبى مال
وهى ماشية بدلع فى دلال
كيف الطريق لحبيبى بدر البدور
كل المحبين حواليها بتدور
والكل عايز يفوز بحب السنيور

كيف الطريق لحبيبتى الدكتورة
والناس بيها مبهورة
وان شا الله بحبها منصورة
===============
حبيبى الحلو ماسك الدنيا وردة فى ايده
وعايش حياتة كأنها يوم عيدة
مهنينى ومفرحنى وده كل ما اريدة
عاملنى عقد ومعلقنى فى جيدة
دايما قاعد معايا وحاطط ايدى فى ايده
عصفور كناريل فى كلامة وتغريدة
وانا اهم رسايلة فى قلبة وبريدة
هو غنوتى الحلوة وانا نشيدة
هو الحبى الوحيد وانا حبيبه
============
ناجح يوسف فهمى

بالعقل عايزك تكون هدية واغانى اخرى

بالعقل عايزك تكون ليا هدية
تشفى جراحى و تخلصنى من الكراهية
تزرع فيا الحب والاحترام
وتخلينى مع نفسى اخر انسجام
تصفى نفسى من الاحزان
واسامح واكون تمام
واتخلص من كل اخطائى
واكون ليك يا حبيبى ايجابى
اقدر لك الظروف
واعيش معاك بالمعروف
واكون معاك سعيد
واقدم لك من حبى المزيد
على قد ما تريد بدون قلق او تهديد
ونسافر بعيد لندن ومدريد
ونعيش مع بعض فى هنا
وتكون ايامنا عيد فى عيد
================
انا بنت بنوت هايمة فى الملكوت
وهاحقق حلمى المكبوت
بين الارض والسما طايرة طيران
واغرد واصدح زى البلبل الحيران
وباشعر دايما بانى طير مش انسان
دا انا ........
وفى عز الشتا باكون حرانة
ودايما بيكباكون ولهانة
دا انا بنت.........
فوق تحت ما بتفرقش معايا
المهم يا حبيبى تكون انت ويايا
دا انا بنت......
غنى فقير مش ده المهم
بس احس بيك وقلبى يهتم
دا انا بنت بنوت....
ولو ما حصلش ده دا انا هاموت
سامح يا حبيبى يا كتكوت
==================
ليه تركتنى منتظر ساعة بعد ساعة
وانا قلبى مولع زى الولاعة
وليك يا عسل انا مشتاقة
وشوقى وحبى ليك ما اقدرش اوصفة
دا شى جميل ما كنتش اعرفة
اعرفه ازاى ومفيش سابق معرفة
وانت مين شبهك وانت نجم النجوم
وكل الكواكب حواليك بتحوم
وكل القلوب زى قلبى بتروم
اروم ان تكون ليل انا وحدى
وفى الساعة دى مين هيكون قدى
تعطف يا جميل وحط ايدك فى يدى
ايدك يا حبيبى تنشلنى مما انا فيه
وهاظهر شوقى وما اقدرش اخبيه
اخبيه ازاى وانت بلسم جراحى
وبيك يا حبيبى تكتمل افراحى
================
انت يا حبيى الباب العالى
مصدر فرحى والامل الغالى
وكل حلمى وحبى وامالى
تفتح لى الباب طوالى
حتى اهدى وينصلح حالى
وابدع واتقدم فى مجالى
وانت يا......
اذا سمحت بمرورى
هيكون سبب سرورى
والنجوم هتكون بمقدورى
دا انت يا.....
اذا سمحت استظل بظلك
واقترب من قلبك
وتاخدنى فى حضنك
واكون قلبك النابض
ولغيرك يا حبيبى رافض
دا انت الباب.....
ومقامك هيكون من مقامى
وافتكرك واوعى تنسانى
علشان تحقق الامانى
ونغنى اجمل الاغانى
===========
عنيك يا حبيبى اسلحة دمار شامل
من سحرهم مش قادر اقاوم
اقاوم ازاى وبيحتوينى بالكامل
وانا فى حبك حبيب عامل
وانت يا حبيبى بتحب تساوم
تساوم يا حبيبى ولحبى بتقاوم
بتقاوم ليه
وانت انسان مسالم

يا ناس مش قادر اتكلم
اتكلم ازاى وانا عامل نفسى معلم
وانت المعلم ولابس مقلم
تعالى يا حبيبى حود وسلم
=============
ناجح يوسف فهمى

شعر غنائى

باحبك يا حبيبى وحبك ما لهش مثيل
لانك انت با حبيبى الشىء الجميل
انت الامل والونس وكل شىء حلو من هذا القبيل
انت المروءة والشهامة وانت النبيل
انت المحب والحب وفى عواطفك كريم
وانت السلم والسلام والامان وانت السليم
انت الحلم والاحلام وانت الحليم
انت الطبيب المعالج وانا السقيم
=======================
انا حابب اعيش فى قلبك تانى
من بعد ما قلبك حبنى وهوانى
وان كان حصل بعد وجفا اوعى تنسانى
لانى من غيرك انسان تانى
دا انت حبى وعقلى وغرامى
ومعاك باستعيد شعورى الانسانى
وباستعيد صفا وحبى ومودة زمانى
وحابب اعيش فى قلبك تانى
دا ايام حبك كانت احلى ايامى
=======================
حبيبى وانا حرة بيه
ادلعة وافرحة واهنيه
عايشة حياتى كلها ليه
ما اقدرش استغنى ابدا عنية
وبيسعدنى وسعادتى كلها رهن اشارة من ايديه
من اجل راحتى تاعب نفسة ورجلية
يبذل كل طاقتة ولا يبخل بالهدية
وده من حبه لى مش علشان واجب عليه
وحبه ليا اصبح عادة وسعادة وغية
=========================
البت شقية ,شقية البت
ولا قادر اقاوم ولا قادر ابت
اعمل ايه حبيت شقاوتها
وخايف منها لما تبقى ست
تتشاقى عليا وما اقدرش البى مطالب الست
وخاصة لما تبقى شقية ذى ما كانت بت
ساعتها مش هاقدر اقاوم ولا الت
=====================

مشكلة البشير...الى المحكمة الجنائية اقول

حتى لو قبضتم على هارون وكوتشيب والبشير
لا تقلقوا يا سادة عندنا منهم نسخ كــتير كتيـر
فكل امراء الحرب معامل تفريخ وانتاجهم وفير
بس اللى يستحمل هذا الامتحان من الله القدير
فنحن مددنا بحور ومحيطات وليس نهر او غدير
نغرق فيها وبيها وليها هربا من النيران والسعير
فهذا قدرنا من اهلنا وحكامنا ومن كوكبنا الكبير
لنهرب من طلقات الرصاص للقنابل والتفجير
ومن الاستعمار للاستحمار ومن السخرة للتسخير
=====ناجح يوسف فهمى========
======================
اخينا اللى ما يتسماش تاعـــــب الناس كلها
فهو اعمى رغم عيونة زى عيون المـــــها
واخرس فى الحق رغم كـــــترة السرسعة
وحمار فى فهمه لا تنقصة الا الـــــــبردعة
احــــــــمق ومتهور وحياتة كلها معـــــمعة
بل قـــــــل هى جحيم وناره دايما مولعــــة
يعيش فى جحر لا يصل الحق الى مســمعة
لا يعرف من هو عدوه ومن معــــــــــــــه
هل عرفتم من صاحب الاوصاف المؤسفة
كل شخص يضيق الدنيا بعد التوسعـــــــة
========ناجح يوسف فهمى

ابو المفاصل انا.....وانا ابو المفاصل .....الواصل

الى كل البشر اقول................
=================
مهما تكون غنى وعزيز وواصل
ليست لك قيمة بدون ابو المفاصل
فانا المتحكم فى المتحكمين وعارف الجارى والحاصل
ابرئك ان كنت متهما واتهمك حتى لو كان بينك وبين الحرام حد وفاصل
لا تخلو منى منطقة فانا المخلصاتى والسمسار
ولا يهمنى ان كنت سبة فى جبين وطنى وعار
طلعتى مهيبة وحلوة ونفسى مرة ولكن فى انتشار
كل يوم اكبر ذى السرطان وانشر المر والمرار
غويط لا يعرف احدا اخرتى وسوء نفسى ذى القار
امثالى ملتفون حولى فى انتباة وزنهار
وعلى استعداد لفعل اى شىء دون انتظار
طالما عندى الضوء الاخضر بالاذى واحمل الشعار
++++++++++++++++++++++++++++++
حد عنده مانع فى اقوال ابو المفاصل
حد عنده قدرة للتصدى له
حد معترض على وجوده
+++++++++++++++++++++++++++++++
طبعا هذه الشخصية موجودة فى حياتنا وكلنا نعرفها ونلجأ اليها
فى ساعة الضيق....فهى عندها المفاتيح لكل الازمات والمشاكل
حلا او تعقيدا .....او اختلاقا للذين لا نرضى عنهم